難得黎到意大利羅馬，點可以唔黎埋呢個全世界人口最少既國家 – 梵蒂岡？梵蒂岡除左係全世界人口最少既國家之外，仲係天主教會最高權力機構「 聖座 」 的所在地、天主教教會最高領導人教宗的駐地、世界六分之一的信仰中心。
梵蒂岡位於羅馬既西北部，要去其實唔難，由羅馬市中心既特米尼車站（Stazione Di Roma Termini / Roma Termini ）乘搭 40號 或 64號 ，大約半個鐘就可以到達梵蒂岡。又或者可以搭地鐵A綫，係 Ottaviano（第7站 ） 站落車，行一小段路就到達啦！
?小提示 : （除左買 Roma pass ，大家可以係火車站內既書報攤買一種叫Roma _ Hour 既巴士pass，分別有24 48 72 Hour 可以選擇，而且價錢較平！）
入到黎梵蒂岡，大多旅客最理想目標 : 梵蒂岡美術館以及聖伯多祿大教堂。由於博物館喺係另一方向，所以要係後一個站Cipro落車。因為知道梵蒂岡博物館會好多人，所以我咩都唔理，衝向美術館方向！（ 記得上網買定門票，因為現場真係好多人！People mountain people sea 個隻）一個人既門票為16歐元，另加4歐元為預約費。如果大家想了解多啲展品既背景，可以租導覽機，內有中文（唔係廣東話呀嗚），方便大家了解多啲製作者創作背後既故事。
地圖廊：義大利各地全圖，教宗額我略十三世委派佩魯賈的Ignazio Danti繪於牆上，長120米。
參觀完博物館之後，就可以向大教堂出發啦！聖伯多祿大教堂被譽為最傑出既文藝復興建築，亦為世界上最大既教堂。企係教堂既頂層仲可以觀望整個梵蒂岡，咁樣既話，點可以唔登頂？
要上教堂頂部有兩個方法 : 一係行樓梯，一係就搭?。我同朋友揀左前者，雖然唔係教徒，但係呢咁神聖既地方，點可以就咁搭?上去？一於行樓梯，500級樓梯，濕濕碎啦！（就望到了，就能望到了⋯⋯⋯）
如果大家唔想行得咁辛苦，可以選擇搭?，不過連門票需要10歐元，選擇行樓梯既就需要7歐元。不過辛苦過後見到眼前既風景，幾辛苦都值得。梵蒂岡雖然細，但係極具歷史價值，大家有機會不妨黎呢個最細國家參觀下！
