2024香港回英小寫

by 明子
2024香港回英小寫

返咗嚟倫敦已經兩個星期,對於一個離開咗倫敦,返亞洲區七個禮拜嘅人嚟講,返嚟英國生活,真係要適應。(唔係講緊jetlag嗰啲)係心靈上果d,香港總有家人朋友在身邊,呢一邊又要再一次帶住「自己一個勇往直前」既心去面對生活一切。而且我最討厭(或者叫不習慣)就係英國的「地方大、而且交通不便」,香港地真係交通便利,去邊都有巴士地鐵直達,而且唔會好塞車,反觀呢一方面,倫敦真係…☠️輕輕講下呢兩個星期做左乜。

1. 房間大改造 因為我只係租地方住,所以其實都係將d床呀、枱呀搬黎搬去,以達致最佳嘅空間感。我將之前放房中間嘅床,推到貼牆,三邊落床變側邊落床。原有嘅位置,我就放書枱,房突然多了一個可放得落瑜伽蓆嘅空間…呢個想法,我是在回英國飛機上突然想到的,而家覺得自己想得太遲…

2. 每日抽時間搵工作 世界經濟不景氣,我其實在上年九月,公司環球(4個國家)整個部門取消,所以今次回英後,就要努力找新工作。感覺到工作市場比較淡靜,我應該暫時send了60多份CV,但只有一個面試機會。在網上香港人群組一睇,有人send了100份200份……

3. Life in UK 考試 跟朋友講起,佢話life in UK好快就會改內容,但而家仲未改。如果改咗之後,短期內就不會有太多past paper,既然暫時比較空閒,就決定在三月底前完成考試。 試左一星期,已經有初步信心,而且我發現自己都英國歷史都幾有興趣,倒如光榮革命、西班牙無敵艦隊、末日審判書、倫敦大火、黑死病,、Magna Carra等等…朋友笑我:「你都好癲,溫書溫到咁有興趣…」既然要考試,就盡量令自己享受過程吧! 至少我係咁樣欺騙自己😆

4. 半馬21km 之前睇咗某電視台嘅一個有關於馬拉松的節目當中一個藝員講:「好想比自己認真地做運動」之前睇咗某電視台嘅一個有關於馬拉松的節目當中一個藝員講:「好想比自己認真地做運動」這句話間唔中又在我腦海中閃出,所以就閃出一個念頭,就係想完成一次半馬拉松(21km)我之前最長都只係跑過12公里,而且身體情況已經大不如前😮‍💨所以是一項大挑戰。幸運地找到了數名隊員,希望將來會一齊練習,九月可以順利完成賽事!

你地又有無challenge自己做什麼呢?💪🏻

You may also like

Leave a Comment

Traveltopia - 旅遊邦資訊平台