[港女・清邁・窮遊之旅］題外話篇 泰國版養和 Chiang Mai Ram Hospital

題外話: 由於一上機前已經開始咳到半死 再加上夜晚一落機即刻去Night Market食Phai Thai同勁spicy既炒豬肉 第二朝就O-M-G! 把聲沙到變o靚坤..

因為有買旅遊保險 所以即刻上網搵左間離Hostel好近 又被網友喻為「泰國版養和」既ChiangMai Ram Hospital去睇醫生!

入到去只要同企係門口既姐姐講想睇醫生 就會有專人帶你去登記。

(請無視我把和旱草頭髮…)

登記護士要你填晒名、住邊、電話(無泰國電話 要寫香港電話)、Passport號碼加影相!

之後佢會copy poassport就比張飛仔同帶左我去量血壓、探熱。

臨見醫生前 護士好貼心問我使唔使要翻譯  咁我唔使就去左見靚靚女醫生嚕!泰國醫生係問得好詳細 甚至佢開完藥 會解釋埋隻藥點用、有咩療效。 相比香港醫生零眼神接觸 問多兩句都唔願答既mode泰國醫生態度係非!常!好!的!

等嗌號碼拎藥 既時候 發現有Bonaqua水同熱阿華田飲添! SO SWEET!

藥單係好詳細 再一次列晒有咩成份、療效、幾耐食/用一次 重點 有我個樣係藥單度架!

比錢時間 以為好服務到咁係好貴 點知又錯 只係THB 851 即係HKD 185 問你死未!

依D就係陪伴我渡過餘下旅程既小丸子同舒緩喉嚨痛噴霧