第二日:
*Preah Vihear (中文: 柏威夏寺) 2008年被認定為世界文化遺產 由於寺係柬埔寨同泰國邊境所以引起泰國和柬埔寨之間新一輪的主權爭奪*
早起鳥兒有虫吃! 6點半就開始上Preah Vihear旅程 由Siem Reap City去Preah Vihear車程差不多要兩個中
司機帶左我地去食路邊野 據佢所講 食路邊野最好早餐先食 因為晏就會好大塵好污糟
無錯! 佢係清到不能再清既青咖哩米線(?!) 入面有香蕉花同一D香料 你話佢難食咩又唔係 但好肯定係食唔慣..
去到門口先買門票再要租電單車&司機 (記得拎地圖)! 之前睇Blog好多都話門票係USD10+六人車USD25/架 依家轉左喇! 門票照舊USD10 電單車加司機就USD5 比晒錢就上去嚕!
好彩小妹之前坐過朋友車仔既經驗 完全對於上去要搭電單車(唔好諗係綿羊仔黎!)係無有怕! 但都係要攬實司機條腰仔架! 上山路係爽到不得了 要風有風 要景有景 尾段司機會提你用雙手攬實佢 因為個條山路斜到玩過山車咁 大概20-25分鐘車程 (好想錄video架 不過好驚電話都跌埋..)
之後就真係到Preah Vihear 天氣好到不得之了 但始終有少少煙霞咁模模地..
一落車最重要就係噴蚊怕水同搽防晒
搽好就開始出發嚕!
其實比埋地圖我都分唔到邊個打邊個 因為好相似..
(我有嘗試問實Q 但雞同鴨講.. 所以算喇!) 加上我又唔係專業Travel Blogger都係齋po相算喇:P
行左2個幾中 經過埋依埋石 終於終於行到最督督個崖位睇景同影相!
我地當初就係係Instagram睇到d景被吸引黎依度 (黎到先發現個個位比人封左)
老實講 係個崖邊影相(對我黎講..)係好那驚 個個所謂既”欄杆” 只不過係2舊水泥+條繩 舊水泥重要係我都搬得郁既重量..
何想言知有幾”安全” 大家唔好興奮過籠唔理自身安全!
Sor 企到紮行晒馬真心驚跌左落崖
我地係Preah Vihear足足行左2個幾中 落返去入口等哥仔上返黎
落斜時 嚇到我心都離一離 你係見到個斜頂但見唔到落去係有幾斜 司機重要正到無啦啦拎個電話出黎聽 大佬呀 斜到咁唔好聽電話住喇!!!!!!
*題外話 寺入面既實Q哥哥smoke到d煙好似放火咁!*
午餐就係入口既家庭式餐廳度食 個青咖哩好味架 不過司機推介既香蕉花就有d怪既 依餐係好抵食 請埋司機食都係USD8!
*相中藍衫人同對面個女人應該就係老闆+老闆娘喇
食飽飽就去Koh Ker! (門票USD10 貴但去完就知值!)
Koh Ker沿路都有唔同既遺跡 老實說 我已經分唔清佢地邊個打邊個 外表看似一樣 但detail會發現係有唔同架!
不過 最吸引既就係金字塔! 7層高 開頭以為只係得外圍咁行 點知原來係有樓梯上
我唔知點解好自然同占少講: 行上去囉!
(利申: 嚴重極度超級畏高! 誇到搭海洋公園纜車都驚到唔敢郁)
行到一半腳都震 唔係樓梯太長 係驚到腳震 一路行一路見到條梯有d搖 行到直情想喊咁滯
(木梯加生锈釘 邊會唔驚..)
不過 老實講 上到去 會覺得值架! 一望無際既樹林 無可能係香港任何一個地方見到!
由於驚得滯 上到去行都唔敢行多步 影相重任已經交左比占少 我就一直企係原位
影完相落返去先大獲 媽呀! 點解高得咁緊要架! 淆底淆到搞左勁耐先落返地面
行返出去時有個湖見到有2個男人係度勾下勾下 用晒body language同佢地溝通得知 佢地係釣緊魚!
唔係話咩 你望住個湖 紅線前都係青苔 釣到都唔敢放入口咁姐..
行到一半 司機應該悶到走埋入黎搵我地一齊行 司機再車左我地去唔同既小寺廟度睇 (唔好問叫咩名 講完都唔記得)
(據說只要有一個願望 你可以係任何一個地方堆起小石 越堆得高 代表願望愈會成真!)
5點幾就揸返車出city 途中見到日落 司機停車泊埋一邊同我地一齊睇日落 鹹蛋黃堅靚!
佢無因為出返city要3個中繼續開車 反而泊埋一邊一齊睇同我地影相! 好感動呀!
回程訓到死豬咁 返到去又係同司機約好時間就返hostel再出去搵野食
*回港後翻查資料: Koh Ker金字塔並唔係得7層 而係有40尺 即15層咁高! 媽我得左!*
