上文提到上機時已經咳到半死 再經過噚晚唔識死 食左先算既心態食辣野 飲cocktail 到朝早起身結果就係失聲!
咋咋臨起身去左hostel附近既醫院搵醫生睇(依度唔多講 遲下睇題外話篇)
睇完就搭左車諗住好快返hostel附近搵野食醫肚 點知 上錯雙條車 明明5分鐘車程 變左圍住個gate兜左一大個圈
最後花左近半個中先返到去 求其搵間嗌左pad thai同咖哩雞肉湯麵加椰青就返hostel邊晒太陽邊食外賣喇!!
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 2 2015 03 28 020355 1](https://traveltopia.hk/wp-content/uploads/2017/01/2015-03-28-020355-1-768x1024.jpg)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 3 2015 03 28 020423 1](https://traveltopia.hk/wp-content/uploads/2017/01/2015-03-28-020423-1-1024x768.jpg)
唔好睇間hostel個feel有d舊 原來個泳池都唔錯架! (不過唔會明點解熱到咁,但池水可以凍到起雞皮!)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 4 2015 03 28 020849 1](https://traveltopia.hk/wp-content/uploads/2017/01/2015-03-28-020849-1-1024x768.jpg)
我晒左一陣就返上房get ready去遊寺廟
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 5 DSC 0182 2JPG](https://traveltopia.hk/wp-content/uploads/2017/01/DSC_0182-2JPG-1024x681.jpg)
一出hostel就見到有可愛貓咪
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 6 DSC 0239 2JPG](https://traveltopia.hk/wp-content/uploads/2017/01/DSC_0239-2JPG-1024x681.jpg)
第一站: Wat Lam Chang![[港女・清邁・窮遊之旅]Day 2・蘭昌寺/清曼寺/柴迪隆寺/夜市 7 2015 03 28 045245 1](https://traveltopia.hk/wp-content/uploads/2017/01/2015-03-28-045245-1-1024x768.jpg)
hostel職員提議我地可以去參觀下 係hostel同一條街既街尾
雖然寺廟細細兼無人 但我都好守規矩 圍返條沙龍先入去架
第二站: Wat Chiang Man
只係離Wat Lam Chang兩分鐘距離 但因為地圖唔係太detail加上門牌有點兒細 所以左兜右兜先到
(其實當大家見到Glasshouse Restaurant再向前行就係)
依間係Chiangmai第一間廟 好值得去參觀
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 8 DSC 0005JPG](https://traveltopia.hk/wp-content/uploads/2017/01/DSC_0005JPG-1024x679.jpg)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 12 2015 03 28 052245 1](https://traveltopia.hk/wp-content/uploads/2017/01/2015-03-28-052245-1-768x1024.jpg)
相比Wat Lam Chang佢係幾大下同都係遊客區area,所以係超~級~多大陸遊客!
由於我地都唔係有信神佛既人 所以我地都無深究過寺廟背後既歷史 只係用觀賞同遊客既角度去參觀同欣賞
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 14 2015 03 28 053145 1](https://traveltopia.hk/wp-content/uploads/2017/01/2015-03-28-053145-1-768x1024.jpg)
全寺廟我係最欣賞既係坐立係廟外既金塔 金塔下係有十五隻大象圍住
細心留意會發現每隻象鼻上面都有幾條短竹定甘庶(?!) 唔知有d咩特別既意思呢?
由Wat Chiang Man行去Wat Chedi Luang途中 會經過一間叫Hot Chili既餐廳
聽聞有唔少經典既泰菜食 不過我就無入去食喇! 只係被外面既燈籠吸引住姐
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 17 DSC 0106](https://traveltopia.hk/wp-content/uploads/2017/01/DSC_0106-1024x679.jpg)
第三站: Wat Chedi Luang
依站係今日最期待既一站!佢古舊既外型完全吸引住我!
(基本上圖中既tuktuk都係大陸人搭)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 19 2015 03 28 065542 1](https://traveltopia.hk/wp-content/uploads/2017/01/2015-03-28-065542-1-1024x768.jpg)
但媽呀! 一車車大陸人咁黎 我係咪返左大陸呀?
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 20 2015 03 28 065654 1](https://traveltopia.hk/wp-content/uploads/2017/01/2015-03-28-065654-1.jpg)
無論正面、左面、右面定後面影 都有不一樣既感覺同畫面
(睇完Wat Chedi Luang個刻 好想即刻到10月去睇Angkor Wat!!!)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 26 2015 03 28 073639 1](https://traveltopia.hk/wp-content/uploads/2017/01/2015-03-28-073639-1-1024x768.jpg)
因為行梯爛到行唔到所以封左嚕!
我地參觀時已經差不多日落黃昏,亦撞正一班小和尚應該等..食晚飯?
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 27 DSC 0214JPG e1483870466395](https://traveltopia.hk/wp-content/uploads/2017/01/DSC_0214JPG-e1483870466395-679x1024.jpg)
占少見狀 即刻用相機同佢地黎個#selfie 而我亦都攝左埋去影
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 28 2015 03 28 073336 1](https://traveltopia.hk/wp-content/uploads/2017/01/2015-03-28-073336-1.jpg)
影完佢地個又開心又尷尬既樣話比我知 好似真係未同過女仔影相咁 成班都好得意
不過影完我先諗 其實佢地可唔可以同女仔影相架呢? 咁樣算唔算破戒架?
(不知者不罪呀..)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 29 DSC 0178 e1483875123485](https://traveltopia.hk/wp-content/uploads/2017/01/DSC_0178-e1483875123485-679x1024.jpg)
臨走敲下個鐘 保佑自己身體健康:)
一出廟就見到我好中意既雞旦花樹
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 30 DSC 0065JPG](https://traveltopia.hk/wp-content/uploads/2017/01/DSC_0065JPG-1024x679.jpg)
係站與站之間,其實都入過唔少既寺廟度睇
但大部份可能都係比較細規模既寺廟 門牌只得泰文字 無英文 所以我都分唔清邊間打邊間
隨住日落 今日既遊泰廟都完結嚕
由於全日都係行行行同行 對腳好似就快斷咁 所以就係古城夜市附近求其搵左間做foot massage
隔離個個明顯唔受力 佢嗌到鬼晒咁嘈 連按摩姐姐都忍唔住笑佢!
去古城夜市 見到最多唔係泰國人 而係香港人同大陸人!
左邊一句中文 右邊一句普通話 一d都唔似去左泰國 我地掃左豬腳飯、banana roti、串燒就開始行夜市嚕
夜市可以話係長過彌敦道,但其實賣既野來來去去都差唔多,有袋、工藝品、飾物、銀器、香油肥皂…
不過我並唔熱衷購物 都係齋睇多過買野 只係買左一個布袋同一個沖涼絲瓜絡 夾埋都係十蚊港紙!
(同款布袋係香港係賣緊三十港紙起架 淘寶都要RMB20依度TBH20!)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 31 DSC 0301](https://traveltopia.hk/wp-content/uploads/2017/01/DSC_0301-1024x679.jpg)
好好味豬腳飯 但油左ddddddd咁囉 (不過聽聞依間豬腳飯係出名架! 值得一試!)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 33 DSC 0264 e1483874788418](https://traveltopia.hk/wp-content/uploads/2017/01/DSC_0264-e1483874788418-679x1024.jpg)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 34 DSC 0267 e1483874724497](https://traveltopia.hk/wp-content/uploads/2017/01/DSC_0267-e1483874724497-679x1024.jpg)
途中經過一個檔口賣緊一種叫Thai Herb小食 用香葉包住花生碎、青檸、蒜頭等等既香料
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 35 DSC 0304](https://traveltopia.hk/wp-content/uploads/2017/01/DSC_0304-1024x679.jpg)
唔知咩黎架 不過企係度望時見到唔少泰國人去買 咁就膽粗粗試下喇!
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 36 DSC 0303 e1483874885447](https://traveltopia.hk/wp-content/uploads/2017/01/DSC_0303-e1483874885447-679x1024.jpg)
(最弱智係買完住要問老闆係咪就咁塞入口食-_-“)
出奇地好味,食完好有回甘既味道 我估都係當地人先會食既小食黎掛?
臨走等tuktuk時 咁岩見到對面街有兩個亞叔擰晒patpat咁係度唱歌 望多兩望 POLICE STATION!
無錯 無望錯 係警局外台上唱緊歌個兩位亞叔係警察黎架!
搭返架MK tuktuk返hostel 第二日又完!
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 [港女・清邁・窮遊之旅]Day 2・蘭昌寺/清曼寺/柴迪隆寺/夜市](https://traveltopia.hk/wp-content/uploads/2017/01/DSC_0217-2JPG-1024x681.jpg)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 15 DSC 0035 e1483869134878](https://traveltopia.hk/wp-content/uploads/2017/01/DSC_0035-e1483869134878-679x1024.jpg)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 16 2015 03 28 053003 1](https://traveltopia.hk/wp-content/uploads/2017/01/2015-03-28-053003-1-768x1024.jpg)
![[港女・清邁・窮遊之旅]Day 2・蘭昌寺/清曼寺/柴迪隆寺/夜市 32 DSC 0258](https://traveltopia.hk/wp-content/uploads/2017/01/DSC_0258-1024x679.jpg)