由於班機倒塔咁早(07:15) 我家住東區 為免要凌晨四點出發 所以前一晚就同男友入左香港國際機場訓
以為去機場訓係好有型既事? 大錯特錯! 我就好似未試過係外地訓機場 唔知係咪都係咁 (有試過既朋友分享下比我知!) 香港機場冷氣好似唔使錢咁 出風口d冷氣係勁到痴線 政府成日話節約能源 你地節左d咩? 想訓地下? 凍到入骨打冷震 想訓長”登”? 佢鋼做架傻仔 凍上凍!
![[港女遊柬埔寨] DAY 1 - 開波 17 01](https://traveltopia.hk/wp-content/uploads/2015/11/01.jpg)
終於捱到上機 人人都話搭快運會delay今次好好彩 完全無delay 準時到不得了 上機訓下 填下form影下藍天就到柬埔寨
![[港女遊柬埔寨] DAY 1 - 開波 18 02](https://traveltopia.hk/wp-content/uploads/2015/11/02.jpg)
柬埔寨機場比我想像中靚好多! 落左機重可以係停機坪影相架 (雖然唔知係咪可以 但至少無職員趕走)
![[港女遊柬埔寨] DAY 1 - 開波 19 03](https://traveltopia.hk/wp-content/uploads/2015/11/03.jpg)
過關係有d慢 但我地幾好彩 無人話要小費! (男友話多年前有朋友去柬埔寨直頭比人打 好黑暗!)
![[港女遊柬埔寨] DAY 1 - 開波 20 04](https://traveltopia.hk/wp-content/uploads/2015/11/04.jpg)
一出機場就見到我地個司機Mr. Horn! 揸左tuktuk黎接我地 直接將2個backpack放上tuktuk 你都咪話唔驚佢會飛左出車 點知 佢手車又幾好 唔似泰國tuktuk司機咁瘋狂駕駛 極之安全! 重有好好既service! 一上車就有2枝凍水+凍濕紙巾抺一抺先!
![[港女遊柬埔寨] DAY 1 - 開波 21 05](https://traveltopia.hk/wp-content/uploads/2015/11/05.jpg)
去到Mad Monkey Siem Reap有得check in拎房
![[港女遊柬埔寨] DAY 1 - 開波 22 06](https://traveltopia.hk/wp-content/uploads/2015/11/06.jpg)
*最基本野之外唔好期望有其他野 btw應該睇得死神來了太多 夜晚訓覺覺得把吊扇係會跌落黎..
放低d野就出左去 司機帶我地去買Angkor Museum門票先
![[港女遊柬埔寨] DAY 1 - 開波 23 07](https://traveltopia.hk/wp-content/uploads/2015/11/07.jpg)
買完門票去醫個肚先 望住meun忍唔住講左句: 咁貴既大佬!! 最後淨係揀左個菠蘿炒飯同一個叫Lok Lak既送+一杯Lime juice同Red Lime juice. Lok lak係高棉菜 類似菜包肉d friend 但d肉就有少少鹹魚味 幾惹味 不過好很多油同埋伴碟豆角係生既.. (文中免治豬肉+prahok就係loklak) 菠蘿炒飯同2杯野飲都不值一提 Lime Juice只係幾滴lime汁開水 而Red Lime Juice係係Lime Juice上加紅色糖漿 衰過飲水 咁就USD20
![[港女遊柬埔寨] DAY 1 - 開波 24 08](https://traveltopia.hk/wp-content/uploads/2015/11/08.jpg)
(Lok lak上既伴菜係全生架! 食唔慣真係覺得自己做緊牛..)
食完去左Angkor National Museum (門票: USD12/人) 其實係值得睇既 至少可以預先理解定吳哥窟既歷史先 但我地兩個真係眼訓+攰到坐係Museum睇介紹都訓著左 有d走馬看花 最精神竟然係行Souvenir shop因為本人係明信片怪 有太多好靚既postcard太興奮 睇左個幾中頂唔順就返hostel小睡下
![[港女遊柬埔寨] DAY 1 - 開波 25 09](https://traveltopia.hk/wp-content/uploads/2015/11/09.jpg)
因為入面係唔比影相 所以只能夠影出面d像4點半度司機就車左我地去Angkor Wat買門票! 每日四點半開始賣既門票 就可以係第2日起計 (門票價錢: USD20/1日; USD40/3日; USD60/7日) 排隊 影張相 比錢就有門票架喇!
![[港女遊柬埔寨] DAY 1 - 開波 26 10](https://traveltopia.hk/wp-content/uploads/2015/11/10.jpg)
*可以ignore我個傻仔樣.. 票背面有齊31日既數字 例如你5號去 佢就會係5號數字上打個窿 代表個日已經用左
買完飛就去左Angor Wat睇日落 入去Angkor Wat每一段路都差不多有一個check point位 要比實Q check門票
![[港女遊柬埔寨] DAY 1 - 開波 27 11](https://traveltopia.hk/wp-content/uploads/2015/11/11.jpg)
*提提大家: 袋好張門票 門票花左/爛左/無左個樣/睇唔到簽發日期都有機會入唔到!*
入到Angkor Wat 好!壯!觀! 所以旅客都係影影影 影Angkor Wat影荷花池影日落 我地都唔執輸 最後係荷花池影到比實Q哥哥趕 (5點半就關門) 唯有同佢講句”one more one more! Please! One one!” 佢先唔理我..住..!
![[港女遊柬埔寨] DAY 1 – 開波 [港女遊柬埔寨] DAY 1 – 開波](https://traveltopia.hk/wp-content/uploads/2015/11/12.jpg)
走既時候 有好多小朋友拎住明信片/布/褲/磁石/畫叫你買 唔買可以直接講nono就得 因為只要你一開口講其他語言 佢就會用返個種語言sell你 (好想影低 但佢地醒目到你瞄瞄佢都跑過黎sell..)
六點天已經黑晒 雖然約好Mr. Horn係邊度等 但又黑又多人又車 行左幾轉都搵唔返佢 好彩! 佢識得黎搵我地 車我地返hostel就約好第2日幾點出發上Preah Vihear 我地就梳洗完就去左搵野食
![[港女遊柬埔寨] DAY 1 - 開波 29 13](https://traveltopia.hk/wp-content/uploads/2015/11/13.jpg)
攝影技術有待改進.. 不過基本上每日都會睇到依個紅霞J
*提提大家: 入Angkor前一定要同司機講好係邊等你兼認實司機同佢架車咩樣 (雖則佢地個個差唔多樣) 唔係出返黎你望住茫茫人海 想搵返佢都難!*
今晚食左Khmer+印度菜 (Garlice Naan, Lok lak, Red Curry, Angkor Beer同一杯lime juice)好味既! Btw, 唔好學我男友咁 見檯有咩sauce都拎黎試 佢試中個spicy sauce辣到紅都面晒! 比我笑佢傻仔. 埋單大約USD23
![[港女遊柬埔寨] DAY 1 - 開波 30 111](https://traveltopia.hk/wp-content/uploads/2015/11/111.jpg)
*真材實料 睇住姐姐整lime juice!
![[港女遊柬埔寨] DAY 1 - 開波 31 14](https://traveltopia.hk/wp-content/uploads/2015/11/14.jpg)
*唔同味既Lok Lak
食完行左行就返去Rooftop bar飲返杯先訓d酒看似唔多款 但杯杯足料 (推介: White Russian!)
![[港女遊柬埔寨] DAY 1 - 開波 32 15](https://traveltopia.hk/wp-content/uploads/2015/11/15.jpg)
迎接最期待既Preah Vihear!
第一日完。(續)
Have any thoughts?
Share your reaction or leave a quick response — we’d love to hear what you think!