去高雄呢個港都玩，旗津同西子灣係無得唔去的，因為登上旗后炮台同旗后燈塔可以飽覽旗津、高雄港以及整個亞洲新灣區的景色，而且又可以沿著海邊一直踩單車欣賞旗津的海洋氣息，最後到西子灣看日落，係一件真心正嘅事。但係，如果有一個地方可以坐下Hea下，小編會覺得更加好。
今次介紹的斗六冰城，係一間專賣雪糕同冰品的小店。小編話說毒遊旗津，去完炮台燈塔後搭公車去左風車公園同旗津漁港睇下影下相，去程時見到呢間冰館近海水浴場的分店但無開門，於是去完風車公園返去渡輪站時搭小黃叫司機兜左我去位於中洲三路近高雄海洋科技大學旗津校區嘅總店。
呢間開業超過40年的冰品小店，老闆原本打算用「清涼冰城」作為店鋪名稱，由於名稱已經被登記，所以才用老闆的家鄉雲林斗六為名稱(老闆製作冰品的手藝都係從老家的叔叔學到的)；從店外面看，店面前招牌已經差唔多完全褪色，店面外鐵皮屋上印著舊舊的「斗六冰城」廣告招牌，而店面裡的座椅和製冰/載冰器具也是很舊，這都給人古舊而樸質的感覺。呢家店嘅雪糕/冰品係無用到任何人工香料和糖精製造的，係一直用返傳統製雪糕嘅方法去出品的，滿滿古早味和很濃的奶味。
小編入到店內，見到有唔同嘅冰品比大家揀。冰淇淋/雪糕一定唔會無，有花生、牛乳、可可、草莓等不同口味比大家，亦可以揀綜合口味－即係是但揀三種口味，同時可以揀招牌冰淇淋(六種口味)，全部都係NT$30，而且會用你爸爸媽媽舊時拍拖食雪糕個啲雪糕杯去裝；另外亦都有飲品供應，例如係紅茶冰淇淋同檸檬冰淇淋，但係小編望落覺得好邪惡－太甜了。小編因為純粹想搵個地方坐一坐，所以就點了枝仔冰/雪條同埋冰餅－用兩片梳打餅夾著中間的雪糕一齊食，好似父母輩時代都有一種差唔多的冰餅，兩種冰品不但味道香濃，對太年輕的小編而言呢兩種都好有趣。小編坐左半個鐘後，時間不覺得過得快，稍事休息後繼續遊覽旗津同港都高雄，有時搵個地方Hea下係真心正的。
值得一提，小店亦都有外帶宅配裝比大家帶返香港，有冰淇淋、冰餅(NT$400/20塊)、冰棒(NT$300/20枝)和冰淇淋蛋糕選擇，可以送到去飯店，但你拎唔拎到返香港都係一個問題，所以…大家諗諗啦。
總店地址：高雄市旗津區中洲三路450號 (電話: 07-571-3850)
旗津三路分店地址：高雄市旗津區旗津三路916巷2號(7-11旁)
//網友投稿//
Blog名稱：台灣.日和
Blog網頁：https://www.facebook.com/taiwan.sunlight/
聯絡電郵：taiwan.sunlight@gmail.com