英移日記

成日有人問我有無返工，返緊咩工？其實我而家在一間energy broker (中介）公司入面返緊工，主力sell 唐人business 轉能源公司，即係電呀、煤氣果d。

英國的utility，包括水、電、煤氣，就好似香港電訊商咁，係free market，有好多個公司比大家選擇，客戶需要簽合約，合約期內就fixed tariff，完左就會貴d。而我的工作，就是打電話/ email 比d business owner (盡量會比唐人我），幫佢地搵market 上最好既offer，之後叫佢轉公司簽約（我是中介，賣邊間都得），另一個edge 就係代佢地處理繁複嘅能源問題，因為唔係個個人英文都咁好。

做耐左，客戶又會介紹朋友比我，有referral 客，而我識左好多能源公司，例如British Gas、SSE、Eon、Scottish Power 等等

而在呢份工作上，令我認識到在英國既唐人business係點樣，好多都係開餐廳或者外賣店，其次係超市，又或者online business(賣衫最多）。而餐廳、外賣店佔左8成咁多，做餐飲業既老板們都好忙，多數會做埋個廚師，生活真不易過

同佢地傾下計，都係幾有趣的…

另外公司都有做家居電力、煤氣、手機plan 中介、上網寬頻中介等等，有需要幫手，可搵我 🙂

話說，早前我架車MOT (每年驗車）就到期，所以就去左附近一間車房進行小維修同MOT，我所住既區屬於英國西北部。 去到車房，我放低架車，交低鎖匙之後，我就問老板大約幾點會完成？

「When do I need to come back for picking up my car?」我問。

「Around dinner time.」老板說。

我即時亂了起來，因為晚上我約了朋友去食飯，要用車，而且他之前說過約3~4小時就夠了。

「Dinner time? Like….what time?」我問。

「Around 12.」他回應。 我就更亂，12點？dinner time? 唔通係凌晨12點？應該不會吧！咁即係中午12點。好似make sense D。

原來部份英國人（主要是居住在英國北方的勞工階級人士），他們指的「dinner」其實係指緊午餐，Dinner time 就係午餐時間，即係下午12點1點。有學校更會稱學校午餐為school dinner。 而佢地既晚餐就稱為tea，tea time不是喝茶時間，約5-6點鐘。對北方勞工階級的人士來說，這是一天最重要的一餐飯，主菜是肉配兩種蔬菜（meat and two veg)。

當佢講 「Come before tea time.」是指大約4pm左右；「See you after tea.」是指6pm左右。

而Supper，都有少量人用它來代表晚餐，但是大部份時間，Supper指吃完晚餐後，再夜d的時間食的東西，即是香港人的「宵夜」，例如你訓覺前飲杯奶，食塊餅也可以稱為Supper。

總結：對北方的勞工階級人士來說，他們的一日三餐是：breakfast, dinner, tea。大家聽到，唔好搞錯時間，誤會人地意思呀！

PS: 我有朋友試過遇到水喉工人、上門維修員，佢地都會咁樣稱呼三餐的時間。

每年踏入11月，英超球隊都會穿上印有Poppy小紅花的球衣作賽，以紀念在戰爭中為國捐軀的軍人，而香港作為英國殖民地，一向亦有配戴Poppy花及賣旗的傳統，去紀念二次大戰時在香港保衛戰中犧牲或受傷的香港守軍(包括駐港英軍、香港義勇防衛軍、香港華人軍團、加拿大陸軍等)。

Poppy花的種子可以埋藏在地下沉睡達一百年，要受到滋擾才會發芽生長。在第一次世界大戰中法國和比利時戰場上，士兵發現紅色的Poppy花因戰情緣故遍野密佈，因此選擇以此花代表死去戰友所傳遞的訊息，有人會將花插在頭盔上，甚至放入信封寄回家。1915年，加拿大軍醫 John McCrae 所寫的詩In Flanders Fields提及Poppy花，Punch雜誌刊載後被瘋傳，一位美國教授隨後決定配戴Poppy襟花以紀念在戰爭中犧牲的烈士，並首次提出售賣絹造的 Poppy襟花為退伍軍人籌款。

英國Poppy襟花中間一直都寫上 ‘Haig’s Fund’，代表著早期慈善基金的名稱，1994年之後才易名為Poppy Appeal。

作為在港英人，我地應該為國家， 英聯邦及香港而犧牲嘅手足致意。