3. 回想一下，距離自己去澳洲工作假期的時間已經有五年了…
古有「柴、米、油、鹽、醬、醋、茶」開門七件事，其實到澳洲工作假期都有「到埗三件事」。
就係電話卡，銀行戶口，同TFN (tax number）！
電話卡：跟香港差不多，就好幾個台比大家選擇，要貴既有Telstra，但收得比較好，連農場等較遠既地方，都沒有問題。另外仲有一間叫Optus，佢價錢比較平d，但收得差一d。
而其實仲有好多選擇，又例如woolworth超級市場會賣一d 平既SIM plan，一般背包客都會用佢。
銀行戶口：其實每個大既銀行都差唔多，一樣都有幾類戶口供大家選擇，有定期高息，有流動等等。反而主要考慮ATM多唔多。而最大果三間，應該就是common wealth、NAB、ANZ。我自己就選擇了ANZ，無得解，覺得感覺最靚。而我亦都建議大家，如果英文唔係特別勁，可以去每個city既唐人街去開戶口，因為staff至少可以講中文，你會聽得明白，因為銀行是十分重要，將會是你出糧、收錢，所以絕對不可以「是但」。
TFN (tax number）：如果在澳洲打工，就要申請一個稅號，當你做白工時，就要登記稅號。因為稅是可能退的，所以不可以用朋友的稅號。而申請方法就係上網搞，但你要有一個地址先（hostel地址都可以），上網整完後，等幾星期就會寄信比你了。
但我就奸d，我唔等佢寄信，一星期後，就打電話去hotline，話收唔到信，叫佢電話講個號碼我知～哈哈，大家都可以試下。
一整日，搞完三樣野，累到一個點。
出發前，在網上已經一早認識了幾位去澳洲working holiday的前輩，晚上就找了他們去食晚餐，餐廳是lassa king，十分有趣。
工作假期，就是要不停地交朋友。
