1979年被聯合國教科文組織列為世界遺產的聖米歇山，每年吸引大約有250萬人次前來參觀，位於巴黎近郊的聖米歇山和大家最愛的巴黎距離唔係好遠，係超遠！光係坐車就需要四個鐘（係去程。）
由於聖米歇爾山於潮脹既時候會與法國的陸地隔絕，地形奇特，因此不但有世界各地的教徒慕名前來朝聖，亦令各國的遊客即使千里迢迢都要來此親自目睹聖山的壯觀。
聖米歇爾山分三個部分，包括係底層既市集，專門賣一啲手工藝品，有海洋風既擺設（我記得我只係買左一塊磁鐵。）仲有一啲當地既特產，一種叫MÈRE POULARD既餅乾，的確係好香好脆，不過記得格價，因為唔同舖頭，差價可以差成五歐。
中層就係一個類似（我認為係雕堡 ），因為大多既人流會聚集係市集附近，而且位於高處可以容易啲睇到沙灘既景色，加上人流少，更加容易影到靚相。
高層係聖米歇爾修道院，成人票10歐。
除左可以參觀之外，仲可以報名參加一啲行沙灘既活動，會有導遊帶領你去體驗，（十分之不建議自己去行，因為會好危險！）由於當地聖米歇爾山係夜晚會因為潮脹淹沒沙灘，所以沙灘只可係白天既時候進行活動，大家可以一試。
由於車輛唔可以進入聖米歇爾山，所以所有旅客都需要係旅客中心乘搭免費既接駁巴士先可以去到山腳下，需時大約十五分鐘，亦可以選擇坐付費馬車，大約五歐。不過我會建議行路，腳程大約一個鐘，可以感受到大自然既寧靜，遠望住聖米歇爾山，簡直係一大樂事。
其實要去聖米歇爾山並唔難，不過一定要做足功課，聖米歇爾山可以選擇自己揸車去，不過停車場就需要付費，大約係十二歐元，（時間為朝早到夜晚19:00 ），如果需要再長一啲時 間，就需要再比多五歐元。當然亦可以選擇坐公共交通去，離聖米歇爾山最近既係Ponterson / Mont St. Michel 站，不過到達之後都需要再坐付費（大約三歐元）既接駁巴士去目的地，怕麻煩既可以選擇跟一啲一日團，唔就唔需要考量太多交通上既問題。
