柬埔寨

第五日

為左去睇日出 三點幾爬左起身 但得個吉 太陰天

我個LUNCH.. 薯條當一餐

食完就去左隔離個帳篷度訓下晏訓 我地唔訓 都要比司機抖下 佢重辛苦過我地
依個hammock應該係比司機們訓 但明顯我地同司機太老死 照訓得

訓完就開始去Roluos建築群 都係個句 我分唔到 睇相把喇..


去完Roluos建築群就去左我無expect會靚到咁既Tonle Sap Lake
老實講 上網既comment開頭令我卻步 Floating Village near Siem Reap Biggest scam ever!
唔係話睇垃圾海就係唔比小費返唔到岸 (游水都唔掂呀!)
但同Mr.Horn講完我concern既野之後 佢話我地一定要去Tonle Sap Lake 就信佢去下!
一開始 覺得好那伏 心諗 一潭黃泥水叫湖 咩玩法?!

之後愈黎愈離岸 開始見到Floating Village先安心晒
(重點安心晒係Mr.Horn同我地一齊搭船!)

去到有架船停左 Mr. Horn叫我地上船睇 有真既鱷魚…
亦都有外國人坐橡皮艇入左樹林入面
嚴重懷疑自己睇得太多狂蟒之災呀麥麥巨鱷之類既戲 極度覺得會有巨鱷跳上黎食左佢地

占少就叫左碟黎試 出動Mr.Horn去講價 USD5!
食完又起行 去左Tonle Sap Lake既中心睇日落

我可以講 依一世女都未見過咁靚既日落!
湖上居民可能早已經看厭 但依個日落卻成為我眼中既奢侈品

 
回程返hostel抖一抖 又再去Pub Street搵野食 
最後一晚 試新餐廳食我的最愛 意大利野 豪少少 (其實都係百幾蚊港幣) 為我六日五夜柬埔寨之旅畫上完美句號。
再返hostel搵貓寶寶們玩 最後一晚同佢地玩喇

隔離飯香一點之月亮係圓一點

第四日

一早搬Hostel (由MadMonkey Hostel搬去Downtown Hostel) 希望唔再帶鐵銹味

繼續暢遊吳哥窟 今日係去大圈架
(緊記袋好張門票呀 無論出定入實Q都會check架!)

司機安排好路程:
Preah Khan>Neak Pean>Tasom>East Mebon>Banteay Samre>Prerup>Prasat Kravan
(無錯都係因為成年前既事 應該路獨認得邊忽打邊忽! 盡力喇!)

第一站Preah Khan同Ta Prohm



偷聽到tour guide話相入面既窿以前係鑲滿晒寶石 夜晚月光射落黎係勁靚

Ta Prohm Temple

依個係Preah Khan East Gate既Lookout point! 靚到不行了既同時都污糟到不行了

水較剪多到跌左落湖水洗都唔清!

係去緊Neak Pean途中見到有班人係度釣魚 Mr. Horn叫我地快D影底佢

嗯.. d魚都係見到都唔敢食架

終於到左Neak Pean喇

入到去見到好多人賣手信 但其實不太吸引

一路行入去就見到有條橋同有個污糟湖

一路沿住行就會去到景點既重點Neak Pean 原來Neak Pean係個時算係一間療養院黎
係依度沿路見到好多小朋友都好勁 只要你講一句 佢地就知你講緊咩話 就可以用流利既語言同你溝通
之後就去左Ta som Temple (盡力去搵都搵唔返d相)
好喇 一飛就飛左去下個location East Mebon

依度真心點影都係咁靚!
最後就去左Prerup同Prasat Kravan 由於我真係分唔到佢地就直接post返相算

Mr. Horn 提醒我地一定要4點半到Bakan Sanctuary 因為又係要拎Pass同有限人數的

排隊時已經好淆底 行到一半重大獲 喊左出黎 因為又高又直又危險

完全無後悔行左上黎睇依個景 真係好靚

嚇完之後就笑騎騎自拍嚕:)

日落黃昏

天空個一點係airballoon黎架!

望落去唔多高 但其實佢係成個Angkor Wat既最高點!

落返去都係一個難題黎 我同後面個普通話女子都係驚驚豬到不得了!
通街玩既BB仔 佢地一臉塵之餘 重一臉鼻涕..

嚇到心仔都離一離之後 又行返去Angkor Wat度睇reflection

臨尾都係行返去Angkor Wat入口 係門口睇多最後一次屬於Angkor Wat既夕陽

夜晚又係返Pub Street食Red Piano 好撞唔撞 撞正隔離檯黎左幾個大陸人
開頭見佢地同Waitress雞同鴨講咪幫下翻譯囉
唔該都無不特只 重要話唔識英文有咩所謂 靚女會幫我地翻譯
Sor 我唔係靚女之餘 佢地老奉Mode is on 所以唔會彩佢地囉:)
話我賤都係咁話 當佢地又叫Waitress埋黎時
我直接同Waitress講”Sorry They are impolite and I don’t wanna help them to translate.”
Waitress都好明白地Okay左一句就行開左 我地有我地繼續食 佢地溝通唔到就走左

去旅行好少可買手信既我 買左名產黑胡椒一包比媽媽

當我出去叫姐姐幫我剪開postcard時遇上嗲嗲小貓一隻 超黏人的
(BTW姐姐勁型 同我講無較剪剪開 佢拎把菜刀幫我劈開左 YES!係菜刀…)

第三日:

終於到左吳哥窟小圈遊既一日喇!

本身今朝係要睇日出 但Mr. Horn好貼心 知道我地攰到媽媽聲 已經將個行程postpone到第五日先行!
我地10點先係hostel出發 咁既天氣搭tuktuk係一流架!
去到South Gate Mr. Horn就叫左我地落車影下相 佢會係另一邊門等我地

沿途見到好多像既頭都已經無左 上返車問Mr. Horn佢話因為有d頭上面係有寶石 所以係打杖時比人偷走晒 依家個d頭應該係世界各地..
(個下覺得 以前同依家既經濟有咁大反差..)

入到去Mr. Horn係Bayon Temple放低左我地 由約實我地兩個中之後係Elephant Terrace既分叉口度等

小妹語文能力真係好差 只可以再用好壯觀黎形容!
因為個種宏偉係非筆墨能夠形容得到 可能好誇張 但我睇到「吳哥的微笑」個刻 內心係好滾動
(世界文化遺產呀 點可能唔滾動呀!)

一入到去左手面有一個塔 其實都唔知可以上去 咁岩有個日本仔同”導遊”上去先知 占少就爬左上去睇 畏高既我 當然乖乖係下面等..

*提提你1: Bayon入面有好多”導遊” 佢地會不停問你要唔要tour guide 當然世界上係無free lunch既! 介紹完一個景點好醒醒目目拎返幾蚊比佢地喇.. 我地就自己睇算喇 因為佢介紹d眼字無刨開歷史書應該聽完都係一頭霧水然後笑係咁扮明
*提提你2: 爬塔應該”後上前落” 因為後面梯級比較完整 前面既就有d窄同爛

雖然入面既建築物好多都好似一式一樣咁 但留心留意下會發現好多雕刻都係唔同架!

*極度建議帶帽/帶毛巾! 太陽真係勁到頭頂標煙! 查實小妹係有帶帽架 不過太好人 借左比占少 自己就搵條毛巾摟住就算!

(後記: 屬於小圈遊既範圍真係太大 行到即使拎住疊notes一路行一路睇 我都分唔清邊度打邊度 所以依家靠Google Map人仔帶我重溫舊地 地方有出錯請指教!)

Bayon Temple:

跳一跳 就跳出左Bayon Temple 去到下個景點Baphuon 不過四面既景都係一樣既關係 我地出錯左 最後兜左一大個圈先搵返有”吊雞車”既出口

錯有錯著 係蓮花池度影張相 (用廣角鏡既唔好處: 好易blur!)

Baphuon:

通去Baphuon Temple既路 (熱到要拎疊notes出黎撥!)

熱到咁都要著返件衫 因為唔著無得入!
門口有寫明著背心/唔過膝短褲及裙/孕婦都係唔準入 都捉得幾嚴下! 記得出發前拎返件衫 唔係白行一趟..

理應黎到係要行上去 但條梯又係同直落無分別 堅怕自己碌落黎 而占少就行到腳軟 所以我地就放棄依個景點 一直繼續行..

行到Elephant Terrance同Terrace of Pepper King個時 我地已經頂唔住個太陽同好腳軟 係咁行係咁行就算
不過其實我連自己行左去個度都唔知 因為完全係無任何指示 有都可能只係高棉文 加上d遺跡好零碎 影唔到d咩..

識我既都知我唔係一個soft drink fans 但個個moment 不禁高呼一句”我要飲可樂呀!! 比枝可樂我呀!!”
一見到有得賣可樂即刻衝左埋去! 一罐可樂USD1.5 占少要左罐Angkor牌啤酒USD1.5
老闆娘好識sell 夾硬塞左枝凍水比我地 Total USD$3
依個時候 賣明信片既姐姐唔知係邊閃左出黎!
媽呀~~ 我最中意既明信片呀.. 毫無反抗下 乖乖比低左USD$2 買左一盒12張既明信片喇..

買完就去搵返司機嚕 去食lunch 再次去返旅客餐廳

其實食左咩我都唔係好記得 因為d野又貴又唔係自己想食個d 真心揀唔落..

之後就到Ta Phrohm (即係拍盜墓者蘿拉既場景! 好想即刻睇返套戲!)

入口有一個大告示 (認為自己唔識英文都睇下圖呀唔該)

其中我覺得最有趣係寫明 唔好比任何糖同錢小朋友
亦會講明 女性唔好同任何憎侶影相 即使要影 都應該問清楚同保持距離地影
(好好尊重返當地文化!)

*題外話: 行行下 聽到有班大陸男人傾計嘈到不得了已經燥燥地 重要比我見到佢地周圍吐痰! 不知所謂..
(依個trip遇到太多大陸人 燥到好想督爆佢地”暈精”叫佢地學好禮儀先出國喇!)

係入面會見到好多巨樹壓實晒d遺跡 亦都係因為咁 會見到好多木板支撐住有d就快冧遺跡

*sor又blur左..

行完Ta Phrohm我會覺得柬埔寨政府做得好好 (陰謀論覺得佢地為經濟又好咩都好)
至少佢地會識得係保留文化遺產同時做埋保育 唔會因為文化遺產承受唔到巨樹既壓力而砍伐樹木 反而係諗辦法令兩者並存..
(令我諗起香港 少少事就砍樹 無因由又拆歷史古蹟 香港政府應該好好反思下!)

搭返tuktuk去PHNOM BAKHENG睇日落 司機一而再 再而三提醒我地要4點前去到

因為上去係要派籌既 手快有 手慢就等完左日落先有得上去睇喇!
係等緊上個塔個時候 不禁講左n句粗口 條梯會否太過直呢? 有驚無險捉實Lo仔上塔仔 嚇到瀨fee咁滯

Pass就咁既

由於我地上到去至到日落都重有成粒中 又悶又熱又無水 未中暑叫好波
可能依幾日天氣都唔太好 都係噚日個日落靚好多

睇完日落個人晒到暈暈地 咋咋臨去Pub Street搵野食

誤打誤撞去左Red Piano!
依間野係因為Angelina Jolie去拍Tomb Raider時去過所以出名
食完一次 我決定打後幾日都要返黎食 真心頂唔順Cambodia菜

*Tom Radier cocktail*

食完行下Night market就返hostel嚕 因為聽日一早要搬hostel:)

由於班機倒塔咁早(07:15) 我家住東區 為免要凌晨四點出發 所以前一晚就同男友入左香港國際機場訓

以為去機場訓係好有型既事? 大錯特錯! 我就好似未試過係外地訓機場 唔知係咪都係咁 (有試過既朋友分享下比我知!) 香港機場冷氣好似唔使錢咁 出風口d冷氣係勁到痴線 政府成日話節約能源 你地節左d咩? 想訓地下? 凍到入骨打冷震 想訓長”登”? 佢鋼做架傻仔 凍上凍!

終於捱到上機 人人都話搭快運會delay今次好好彩 完全無delay 準時到不得了 上機訓下 填下form影下藍天就到柬埔寨

柬埔寨機場比我想像中靚好多! 落左機重可以係停機坪影相架 (雖然唔知係咪可以 但至少無職員趕走)

過關係有d慢 但我地幾好彩 無人話要小費! (男友話多年前有朋友去柬埔寨直頭比人打 好黑暗!)

一出機場就見到我地個司機Mr. Horn! 揸左tuktuk黎接我地 直接將2個backpack放上tuktuk 你都咪話唔驚佢會飛左出車 點知 佢手車又幾好 唔似泰國tuktuk司機咁瘋狂駕駛 極之安全! 重有好好既service! 一上車就有2枝凍水+凍濕紙巾抺一抺先!

去到Mad Monkey Siem Reap有得check in拎房

*最基本野之外唔好期望有其他野 btw應該睇得死神來了太多 夜晚訓覺覺得把吊扇係會跌落黎..

放低d野就出左去 司機帶我地去買Angkor Museum門票先

買完門票去醫個肚先 望住meun忍唔住講左句: 咁貴既大佬!! 最後淨係揀左個菠蘿炒飯同一個叫Lok Lak既送+一杯Lime juice同Red Lime juice.  Lok lak係高棉菜 類似菜包肉d friend 但d肉就有少少鹹魚味 幾惹味 不過好很多油同埋伴碟豆角係生既.. (文中免治豬肉+prahok就係loklak) 菠蘿炒飯同2杯野飲都不值一提 Lime Juice只係幾滴lime汁開水 而Red Lime Juice係係Lime Juice上加紅色糖漿 衰過飲水 咁就USD20

(Lok lak上既伴菜係全生架! 食唔慣真係覺得自己做緊牛..)

食完去左Angkor National Museum (門票: USD12/人) 其實係值得睇既 至少可以預先理解定吳哥窟既歷史先 但我地兩個真係眼訓+攰到坐係Museum睇介紹都訓著左 有d走馬看花 最精神竟然係行Souvenir shop因為本人係明信片怪 有太多好靚既postcard太興奮 睇左個幾中頂唔順就返hostel小睡下

因為入面係唔比影相 所以只能夠影出面d像4點半度司機就車左我地去Angkor Wat買門票! 每日四點半開始賣既門票 就可以係第2日起計 (門票價錢: USD20/1日; USD40/3日; USD60/7日) 排隊 影張相 比錢就有門票架喇!

*可以ignore我個傻仔樣.. 票背面有齊31日既數字 例如你5號去 佢就會係5號數字上打個窿 代表個日已經用左
買完飛就去左Angor Wat睇日落 入去Angkor Wat每一段路都差不多有一個check point位 要比實Q check門票

*提提大家: 袋好張門票 門票花左/爛左/無左個樣/睇唔到簽發日期都有機會入唔到!*

入到Angkor Wat 好!壯!觀! 所以旅客都係影影影 影Angkor Wat影荷花池影日落 我地都唔執輸 最後係荷花池影到比實Q哥哥趕 (5點半就關門) 唯有同佢講句”one more one more! Please! One one!” 佢先唔理我..住..!

走既時候 有好多小朋友拎住明信片/布/褲/磁石/畫叫你買 唔買可以直接講nono就得 因為只要你一開口講其他語言 佢就會用返個種語言sell你 (好想影低 但佢地醒目到你瞄瞄佢都跑過黎sell..)

六點天已經黑晒 雖然約好Mr. Horn係邊度等 但又黑又多人又車 行左幾轉都搵唔返佢 好彩! 佢識得黎搵我地 車我地返hostel就約好第2日幾點出發上Preah Vihear 我地就梳洗完就去左搵野食

攝影技術有待改進.. 不過基本上每日都會睇到依個紅霞J

*提提大家: 入Angkor前一定要同司機講好係邊等你兼認實司機同佢架車咩樣 (雖則佢地個個差唔多樣) 唔係出返黎你望住茫茫人海 想搵返佢都難!*

今晚食左Khmer+印度菜 (Garlice Naan, Lok lak, Red Curry, Angkor Beer同一杯lime juice)好味既! Btw, 唔好學我男友咁 見檯有咩sauce都拎黎試 佢試中個spicy sauce辣到紅都面晒! 比我笑佢傻仔. 埋單大約USD23

*真材實料 睇住姐姐整lime juice!

*唔同味既Lok Lak

食完行左行就返去Rooftop bar飲返杯先訓d酒看似唔多款 但杯杯足料 (推介: White Russian!)

迎接最期待既Preah Vihear!

第一日完。（續）

半年前，當HKEXPRESS一出柬埔寨機票，就即刻度日期，買機票，但其實我對柬埔寨認識只係得:「吳哥窟」， 好窮， 衛生好差。

而從朋友口中得知既柬埔寨係:

1. 要打幾支防禦針
2. 會有登隔熱同一堆唔死都一身潺既疾病
3. 無啖好食
4. 好危險
5. 實比人打劫

之後，係唔同既遊記得知，其實都唔係大家諗得咁恐怖！最後，我就抱住極度期待既心態踏上依段旅程。
就等我略略略略………咁介紹下柬埔寨

首都: 金邊
語言: 高棉語 (唔好搞錯係柬埔寨文!)
貨幣: 美金(USD) 同柬埔寨瑞爾(Riel)
(找續時都會收到Riel 即係當地貨幣 4000Riel=1USD 兌換時多準備細面值鈔票 之後會解釋點解..)
氣候: 11月-2月係乾季 (最適合去旅行季節)，3月-4月都係乾季但炎熱 (司機話隨時40度!)，5月-10月雨季 (驟雨為主)
人口: 約1500萬人
交通: (眼見) 以TukTuk及單車為主
時差: 慢香港一小時
下面就係咁多日既行程同衣食住行喇:

出發日期: 10月20日-25日 (6日5夜)
航空公司: 香港快運
行程:
第一日: 香港出發(07:15)> 柬埔寨機場> Mad Monkey Siem Reap Hostel> Angkor National Museum>吳哥窟睇日落+買門票
第二日: Preah Vihear>Koh Ker
第三日: 吳哥窟小圈遊 (South Gate>Baphuon>Terrace of elephant>Terrace of Pepper King>Royal Palace> Phimean>Tomanon>Chaosay>Takeo>Taphrom>Banteay dei>Srahsrang)> 吳哥窟睇日落
第四日: 吳哥窟大圈遊 (Preah Khan>Neak Pean>Tasom>East Mebon>Banteay Samre>Prerup)
第五日: 吳哥窟日出>Banteay Srei>Bangmelia>Roluos 建築群>Tonle Sap Lake
第六日: 回程 (10:00)

*由於買機票前「烏下烏下」，搞到行程緊迫，最後第五日開始雙腳已不再屬於本人一樣。極度消耗體力，強烈建議去柬埔寨至少預8日!*

************************************************************************

行李篇:

衫褲鞋襪：正所謂「人靠衣裝 佛靠金裝」去旅行著衫都唔可以hea 話晒要影相放上facebook度呃like架嘛（笑～）
〉透薄長褲: 必備! (入某幾個寺係要著過膝褲 我唔似得歐美美女又高又瘦可以著完過膝褲都咁型 所以低能到帶左對nike legging去 熱到想喊!)
〉短袖衫/透薄長袖衫: 必備! (一樣入某幾個寺係要著遮到膊頭既衫 而我就日日背心 再帶定格仔裇 熱爆! 但一到天黑就出奇地會有d涼 帶定係應該既!)
〉涼鞋: (我就帶左teva去 既舒服又唔怕整到成鞋泥有排洗!)
〉拖鞋: (大家唔好挑戰自己極限學老外們好瀟咁著拖鞋行Angkor Wat 行完怕大家腳抽根! 留係hostel著吧喇..)
〉 波鞋: (帶唔帶都無所謂 自己帶左去著得3日>去程/上Preah Vihear/回程< 因為好易整到成鞋泥 返香港洗到你傻!)
〉太陽眼鏡: 必備! (遮太陽之餘 可以遮殘樣)
〉風筒: (大部份HOSTEL都唔提供 可隨自己需要而帶)

化妝品/護膚品：女生必看!
〉身+面防晒: 必備! (最好隨身帶 因為我無咁做到 晒到變左”污jo黑”!!!! 利申: 本身好中意晒太陽，但個幾日都晒到有d暈)
〉保濕MASK: 必備! (帶返幾塊PAPER MASK 日日咁乾蒸 咩水份都蒸乾!)
〉洗面膏: 必備! (極大塵 唔洗面真係感覺會爛面。小小小貼士: 去餐廳食飯拎定包糖 可以加洗面膏一齊用 當做FACIAL SRCUB 又唔使帶多枝野!)
〉LOTION: (我帶返平時自己用個D都OKAY 因為本人比較懶)
〉蚊怕水: 必備! (認真 去到柬埔寨先買都得! 香港用既蚊怕水係廢 什至花露水都無用 或者有朋友係你去柬埔寨前去泰國 都可以叫佢掃定返黎比你! 唔係好以為著長褲唔使噴 照噴! 唔係返到香港喊都無謂。)
〉濕紙巾: 必備! (搭完TUKTUK可以抺下面同食飯前抺下手 抺完就會見到成張泥黃色…..)
〉化妝品: (遮暇/眉筆/眼線/碎粉 係咁多! 朝早化完極快已經FEEL到成面塵同汗 唔會想補妝!)
〉頭髮造型東西: 無謂搞咁多野喇! (除非你唔介意成頭塵/吹到成餅野又或者全程坐私家車..)

飲食篇:

〉高棉菜 (USD2.5起跳) (嗯 幾有特色既 偏淡 如果okay with香草/花同葉香料 你會幾中意)
〉Pub Street各類多國菜 (中美日韓泰意西應有盡有 好似我咁食唔慣 就會早午食高棉菜 夜晚食西餐!)
住宿篇: (因為男朋友既朋友同自己朋友都各提議左1間hostel 所以就試晒2間)

20-23/10: Mad Monkey Siem Reap (我朋友提議);
23-24/10: Downtown Siem Reap (男朋友朋友提議)

*Mad Monkey Siem Reap住後感:

〉backpackers集中營! (每晚有不同主題party 但實則無分別咁滯 都係9p.m.打後每個中送shot直到11:30完!)
〉全Siem Reap唯一rooftop bar兼係沙地 (cocktail又平又好味又夠酒! 一定要試!)
〉Pool + bean bag=CHILL! (中意chill既朋友一定要去 坐係pool度訓覺一流 重點!!!!! 型男索女大隻細隻高矮肥瘦麥都齊!)
〉水鐵綉味頂到2日已經好叻! (無論沖涼洗頭洗面刷牙洗手 總之用完水喉嚨都想講粗口! 好似訓左落一大缸散銀度咁 第3日已經要用樽裝水刷牙)
〉簡陋 (床/檯/冷氣機/風扇/廁所/熱水爐/鏡 係咁多)

*Downtown Siem Reap住後感:

〉乾淨 (入hostel一定要除鞋先 地板出奇地乾淨)
〉簡陋 (床/檯/冷氣機/風扇/廁所/熱水爐/鏡 係咁多)
〉水無味! (終於有無味水 倍感安慰)
〉 花灑廢到一個點 (花灑頭係難既 水花四濺 水壓好細 長髮美女洗頭要有返d耐性喇!)
〉冷氣極度10級嘈 (嘈到第1日無開 焗到醒! 同staff反映話轉房但又無轉 第2晚要開住音樂遮住d聲)
〉有貓貓! (極愛貓貓既我地見到貓貓發左光咁! 第1晚大貓已經嗲到暈 第2朝比我發現有3隻貓bb!!!!!! 得2星期大 好打意!!)
〉比錯房! (當我地以為訂個隻房係包a/c之時 到check out先話係我地upgrade左! 但check in時staff係唔知我地有冇book a/c架!! Hotel voucher都無寫架!!)

交通篇:

〉隨地叫tuktuk (實有大把比你揀 多到你嫌佢地煩)
〉出發前搵定司機(我就係依種! 出發前同司機deal好想去邊，佢會幫你編行程再同你deal價，岩既就去，唔岩就再搵第二個! Anyway! 篇BLOG最後我會幫司機賣廣告架，去柬埔寨記得幫襯佢呀 包你滿意!!!!)

（續）