【越南峴港、會安之旅 – part 3】
（續）Day 2 重點：五行山 -> 占婆博物館 -> Han Market -> 峴港大教堂 -> 晚餐：幸福姐海鮮大排檔
住宿：峴港孫德克酒店 (Sundc Hotel Danang)
訂購酒店 CLICK HERE
> 去完五行山後，時間才是中午十二點左右，開著電單車，四圍去，展開一個「漫無目的、見有趣野就停」的旅程。中間包括峴港皇冠賭場、峴港的一個不知名大大觀音像、lotte mart、一個名為Asia Park的一個樂園。
峴港皇冠賭場，crown casino，感覺沒有太大特別，但顯得峴港都有極繁榮的一面。
峴港的一個不知名大大觀音像
Lotte mart是其中一個在峴港大型的超級市場，但說它是supermarket，不如說它是個大型購物廣場。有很多層，很多東西賣，而頂樓就是戲院。我們就在mart內吃了一個地道的午餐，是一碗類似通心粉的東東。滿好食的。
Asia Park樂園（我們沒有進去，只係比佢門前既摩天輪所吸引）。
> 之後就去占婆博物館，占婆（Chăm Pa）又稱占波，是占族人於今越南中部地區建立的古國。占婆在早期大量接受印度文化，信仰以婆羅門教為主，所以有很多神佛，當中有很多濕婆（Śiva）的有關古物。
> 但講真，我就覺得唔多野睇，你如果唔係對佢既歷史好有興趣，其實唔去都得，因為入面大部份都係d 石像。
> 之後下一個要去的地方，就係Han Market（韓江市場），其實是峴港的一個本地市場，有極多的本地野睇，包括野食野飲，而且上面果層係賣鞋賣衫，仲有一d小店係自己幫客人造衫。價錢都唔貴架！
> 之後行行下，比我見到應該係峴港既「美容院」，見到有美髮同美容服務。感覺十分有趣。
> 景點三，峴港大教堂，粉紅色的一座靚教堂。在黃昏之下，顯得更美。
> 晚上，在我酒店附近，有一間名為幸福姐海鮮大排檔。在網路上很紅很紅，而且全店是可以用普通話溝通，本來會懷疑網上的評價是真是假，點知……唔好講笑，真係一試難忘！好多海鮮都大大隻，好鮮甜，而且佢地煮既方法很合適亞洲人胃口，最緊要係，我地叫到成台都係海鮮，每人都係HKD $200左右。而當中的蝦，真係必食推介，大大隻，又實，又甜。好開心既一個晚上。
> 我地仲見到幸福姐本人，佢真係好幸福架。見到佢笑面迎人，其實生活可以很簡單。
> 總結：1) 有電單車，就可以一日去極多個地方。而且很自由。想去哪就去哪。
2) 黎峴港，一定要去幸福姐食海鮮大餐。
完！
最後送上城市行的各景點地圖：
補充資料：
住宿：峴港孫德克酒店 (Sundc Hotel Danang)
訂購酒店 CLICK HERE