一到夏天夏天係巴塞隆拿Party同Festival旺季
講到大型音樂節就係Primavera Sound 係一個 Band sound music Festival
佢地會請世界各地著名Band表演 如Radiohead
講到咁威 門票當然有返咁上下貴啦！
如門票一日價錢大概80歐
但主辦單位都好有心 佢地考慮到所有唔同階層既朋友 所以佢地亦會係唔同地方舉辦細型既PrimaveraPro Sounds
最緊要係「免費」！ 而且都唔太馬虎
佢地請世界各地既Indie Band 由下午12點半開始到6點左右 星期日更會到夜晚九點
鐘意Band sound又唔想俾錢既朋友切勿錯過！ 有酒飲有歌聽有舞跳 仲有咩求呀?
詳細時間可以係官網睇到?
想睇多d相同片既朋友可到我Facebook page瀏覽!
留左係巴塞隆拿一個月
每日經過 La Rambla, Barceloneta, Barcelona 大教堂
除左一大堆遊客外 淨下的都是遊客
365日遊客不停
當每日於市中心 總會開始覺得煩壓
結果今日決定去近郊走走 遠離煩囂
離BCN 市中心45分鐘有個耶穌山名為 「Tibidabo」
Tibidabo 有個同巴西耶穌像一樣既教堂
教堂名為”Temple of the Sacred Heart of Jesus”
入教堂參觀係免費的 如要近距離睇耶穌像瞭望台亦只需俾2歐
絕對值得:)
另外，Tibidabo亦有一個已擁有100年歷史悠久的遊樂場
灰舊色兼快轉既旋轉木馬 不禁令遊樂場增添幾分鬼異氣氛
但日落時份於摩天輪欣賞成個巴塞景色
如此醉人美景 一生可求
好鍾意依個地方 除左靚之外 更加鍾意既係個份寧靜既感覺
遊樂場不定期開放 詳細時間請到網站查閱其開放時間:
http://www.tibidabo.cat/en/info-park/opening-hours/amusement-park/
【蟲出沒．注意】如何區分俾蚊咬同蟲咬分別!保命篇!
繼上星期去月睇醫生 去埋藥房配藥
心諗乖乖地做個病人 同太陽說不 再同酒精說不
然後再用3粒鍾大掃除我間閏房 消毒藥水 新床 床單 抹地
諗住可以過返安逸的日子
只能夠說我太高估自己既清潔能力 更輕視左佢地
因為琴日一早 新既紅腫痕又出現 仲要係面到 佢地真心識咬!
經過一番調查 終於知道成因 所以好想分享
至少希望大家見到依篇野識點分辨 咬痕同特徵 唔洗行咁多冤枉路 !
如果以為訓覺先俾野咬就係床有問題，咁就真係太天真啦 !
一般黎講 有兩種蟲咬係最普遍 包括: 蚊(mosquito)同床蟲(bed bug)
蚊 (Mosquitos)
相信大家對俾蚊咬完全唔會感到陌生，當然如果淨係普通蚊咬紅腫畫十字就搞掂啦。
但點解我仍然會解釋係因為係我身上發生既蚊咬所出現既症狀完全唔同，所以好想分享俾大家知。
因為係最初全身敏感連紅腫，每日都會係身體唔同部位出現，不論手腳背部同塊面，疑似風赧。
我起初以為自己係皮膚敏感，結果係藥房配敏感藥食足10日。
然後皮膚上既紅腫轉左第2種方式出現，會大範圍紅腫超痕癢
全部都超級紅腫同硬，什至乎更出現水疱。當我去到醫院，醫生話全身都感染。
最後上網查左好耐，終於解構到自己係俾蚊咬，但點解會咁誇張呢?
原來係因為我俾蚊蟲咬完之後對佢地留低既口水有過敏反應，免疫系統差而且反應太劇烈，所以會引致類似風赧或水泡出現。
如果再嚴重者更會出現眼腫、血壓下降、頭暈，甚至氣促或呼吸困難，需入院注射腎上腺素，控制過敏情況。所以如果出現以上症狀都係及早求醫，而醫生開俾我既都係ANTI-BIOTIC同搽類固醇。
驅蚊方法:
– 勤清潔
– 蚊香 (一般中國超市有售)
除此之外，我亦上網搵左天然橙皮驅蚊方法，製作容易:
只需將橙皮曬乾放入紗網袋，可掛於床頭驅蚊。如到郊外亦可整成細包隨身帶，畢竟蚊怕水都係化學品。
止痕方法亦有兩種超簡易方法介紹(完全適合超懶又唔想俾錢既人–即係我:P):
– 可用鹽+水塗於痕處 (可軟化硬腫塊)
– 用皂水塗於痕處
– 再搽藥膏啦當然
床蝨/床蟲(Bed bugs)
依隻細小既昆蟲 絕對係各遊人聞風喪膽 連大隻佬都怕左佢既昆蟲
因為仍地繁殖能力極強 偏好吸人血 夜晚活動 鍾意襯你訓覺後殺你一個操手不及
特微:
當感到被咬，睇睇傷痕，因為床蝨通常會造成一堆或一串的傷痕、有時會呈綫性排列，其癢無比。
檢查:
–可檢查床褥四角，一般仍地會藏於床褥底部
–留意床單有無一點點血跡
除蟲:
–將床單、被全部高溫消毒清洗
–床褥用熱毛巾抹，放於太陽低下囇
*古語有云:唔賴過野往往都唔會了解，我中哂LOL
由細到大 電視廣告都日日播
「有病應及早求醫」
道理雖然日日聽 但好明顯會唔會跟住做
又係另一回事？
由十日前搬入新屋既某夜 開始全身皮膚過敏
結果九秒九衝去藥房買敏感藥
每日一粒 但情況沒有好轉 每日都有新紅斑出現
結果十日後情況亦一樣 什至惡發
直頭我認為我身體每滴血都近乎充滿毒素
係忍無可忍 完全再頂唔順既情況下
真係要立刻睇醫生
作為一個遊客 係西班牙睇醫生絕對唔係一件易事
首先係溝通問題 因為大部分西班牙人係唔識講英文 然後係錢問題
有買保險當然最好
無買既即係好似我咁 就大獲了
係公立醫院睇醫生 診金為€242 圍返港紙約$1800 依個係急症室等3個幾鐘頭既價錢
第一次問因為診金太貴 所以曾經嘗試過去藥房再問
但結果每次show症狀出黎既時候
佢地都第一時間叫我去睇醫生
個刻終於知道自己既嚴重性 開始識驚
而藥房姐姐亦介紹左我以下兩間診所
但適逢係歐洲公眾假期 休息
所以最後都係到醫院
各位留意係歐洲睇醫生係唔包藥
醫生只會出藥單俾你 然後你需要去藥房配藥
簡單講 即係你要去兩撻地方 俾兩次錢
但藥房配藥都唔會太貴 一般€30內
當然視乎你既病同藥而定
到個刻 講真 幾錢都要俾
如果唔係太急 可以選擇tripmedic.com 或Cuesta Blanca 佢地屬於私人診所
診金亦會較便宜
打電話問過診金低於€100 不過預約要一星期後
直接講句 等得咁耐都唔洗睇啦?
正所謂低處未算低
慶幸有班好朋友 flatmate
係我最徬徨又無錢既時候
佢地會肯陪我走圍行搵醫生 藥房搵藥 幫我打電話 講西班牙文
遇到佢地既時間並唔長 但身在異地
因為佢地令我感到人間有情 無咁孤單同無助
今次真係個好好既體驗
希望我身體健康 學好西班牙文 ??
