(上集提到去搵牙醫..)
去到牙醫到 已經驚到周身唔聚財 人生未試過咁驚訓上張椅上面
講返今朝件事比佢聽之後 照左張X-Ray 牙醫就話我聽 隻!牙!無!得!救!
因為已經仆到牙腳都裂埋 加上 磨到神經外露 (That’s why整親個刻開始我講野不斷流口水)
所以只可以幫我杜牙根+補返半隻牙 等我似返個正常人
就係咁 係牙肉上 打左人生第一枝麻醉針 (有打過既就知有幾痛..) 眼淚直標
個刻好明白咩叫肉隨鉆板上 無得走無得避 硬食
過程入面不停流眼淚 牙醫同護士講咩我都聽唔入耳 淨係好想快d離開
真心講句 好有種自己就快比肢解既感覺 (佢間診所好殘舊….)
太耐既關係 其實我都唔係好exactly記得幾錢埋單 但好似4/5百蚊澳錢 (當時係對8架!)
*慶幸自己有買全保 唔係比埋條命佢算!*
牙醫話我知 暫時唔可以用門牙食野 因為只係臨時牙 唔受得力
個日開始我無得扯雞脾/成塊pizza咁食/無得成個蘋果就咁食/無得食好chewy既野
入返農場之後 一直都係食超級淋既baby food
到依刻依然好想感謝我班朋友 係大家好開心食緊KFC炸雞而知我得個望字無得食之時
佢地手撕雞肉配薯蓉比我食!! 我太愛我班朋友仔了..
經過幾個星期之後 隻臨時牙都終於開始有裂痕同郁郁地既跡象
我又要即刻請假買車飛返出Sydney搵牙醫求救
無錯 離開農場個日又落雨 7個幾中既火車 最後delay到13個中先到 餓到發癲
(因為怕比人偷野 唔敢食野同飲咁多水 為既就係唔使離開d行李)
出返Sydney之後 去左睇另外一間牙醫 依間同之前Douglas個間完全兩碼子的事
至少近train station 地方又大又光 後生鬼妹俏護士 感覺上都清潔好多
無記錯 牙醫只係識好少少少廣東話 我只能同佢YES/NO
所以全程都係朋友H幫我同牙醫溝通 (無言感激!!)
牙醫check完一大輪 問左好多問題 又照X-ray後 我理解到既結論係
1.牙腳裂埋 其實剝得
2. Douglas手勢太差 要拆左補個半隻 佢再幫我補過
聽到要拆左隻牙已經 又標眼淚 好記得自己用極度無助既眼神望住朋友H
說時遲那時快2枝麻醉針已經係隔離等緊我
拆個時 牙醫用野點轉點磨都整唔甩半隻牙 原來聰明絕頂的Douglas牙醫將補牙物料痴實埋後面隻牙 (小妹有爆牙)
佢出動dental hammer去dig牙縫間既補牙物料 (Sorry 我真係唔知個d叫做咩)
除左驚/喊/揸緊拳頭外 無野可以做到 每一下都好恐怖
我係咁流眼淚 流到牙醫都氹我唔好驚 放鬆d 好快無事
搞左好耐 終於拆晒 係補新輪之前 牙醫問可唔可以影張相喎 留黎做研究
(好明顯未有人可以好似我咁仆到咁應..)
補補下 麻醉藥又開始散又開始痛 第3枝麻醉針又同我say hi!
依稀記得 依間埋單係重貴過Douglas個間 但都係唔記得幾錢
個次之後 我就一直捱到返香港去箍牙同植牙
(下回後記..)
